नेपा— काठमाडौंबाट काभ्रेको कोशीपारि कात्तिके देउराली जाँदै गरेको बा २ ख १०६ नम्बरको यात्रुबाहक बस विर्तादेउराली–७ खहरेखोला नजिकै दुर्घटनाग्रस्त भएको छ। ४२ जना यात्रु बोकेको सो बस सडकबाट करिब ३ सय मिटर तल खसेको स्थानीयले बताएका छन्।
ओभरलोड बोकेर गुडिरहेको बस सडकभन्दा ३ सय मिटर तल खसेको छ। १५ देखि १७ जनाको मृत्यु भएको भन्ने कुरा आइरहेको छ।
स्थानीय शिक्षक नेत्रप्रसाद खरेलका अनुसार ओभरलोड बोकेर गुडिरहेको बस सडकभन्दा ३ सय मिटर तल खसेको छ। ‘१५ देखि १७ जना मृत्यु भएको भन्ने कुरा आइरहेको छ। क्षति यकिन हुन सकिरहेको छैन’, नागरिकन्युजसँग उनले भने।
बसभित्र धेरै मान्छे च्यापिएको र उनीहरुको उद्धार गर्न स्थानीयलाई गाह्रो परिरहेको शिक्षक खरेलले बताए।
दुर्घटनाको विस्तृत विवरण प्राप्त भइसकेको छैन। घटनास्थलमा प्रहरी पुग्ने क्रममा रहेको जिल्ला प्रहरी कार्यालय काभ्रेले जनाएको छ।
From Nagarik News
0 comments:
Post a Comment